Studentët e Arkitekturës në UBT prezantojnë punimet nga fusha e planifikimit urban

Prishtinë – Prezantuan 111 studentë të Fakultetit të Arkitekturës në UBT, në lëndën “Planifikim urban”, te profesori Binak Beqaj, dhe asistentja e lëndës Vlora Aliu, të ndarë në 28 grupe të ndryshme, të cilët studentë e kanë zhvilluar me sukses punën e tyre studimore nëpër qytetet e Kosovës si në Prishtinë, Pejë, Suharekë, Junik, Istog, Prizren, Lipjan, Rahovec, Gjakovë, Vushtrri, Ferizaj, Podujevë, Kamenicë, Obiliq, Gjilan, Mitrovicë.

“Puna ka qenë e fokusuar në analizën dhe vlerësimin e funksioneve urbane të gjendjes ekzistuese në këto qytete si dhe planifikimin dhe dizajnin urban të një pjese të qendrës së qytetit përkatës”, tha profesori i lëndës, Beqaj.

Ai shtoi se një grup ka prezantuar gjashtë funksione urbane si demografin, aspektin social, mjedisin, vendbanimet, zhvillimi ekonomik dhe infrastrukturën.

Secili studentë është vlerësuar për temën të cilën e ka shtjelluar gjatë semestrit./rajonipress/