Ivanovi po bën lojë të rrezikshme

Profesori i marrëdhënieve ndërkombëtare, Blerim Reka, e ka quajtur të rrezikshme lojën e presidentit të Maqedonisë, Gjorge Ivanov, i cili nuk ia dha mandatin shumicës parlamentare për formimin e qeverisë.

Në këtë intervistë dhënë për gazetën “Epoka e re”, ai ka thënë se Ivanovi ka bërë shkelje të trefishtë. Fillimisht, sipas tij, ka shkelur Kushtetutën, duke i tejkaluar kompetencat, ka hapur një front kundër gjithë shqiptarëve, jo vetëm në Maqedoni, por në tërë Ballkanin dhe ka përcaktuar qasjen e ardhshme të Maqedonisë jo ndaj komunitetit euroatlantik, por ndaj Rusisë.

Reka u kë bërë thirrje shqiptarëve në Maqedoni të jenë të matur në reagime dhe ta përcjellin rrugën euroatlantike, përkatësisht këshillat amerikane. Ish-ambasadori i Maqedonisë në Bruksel ka theksuar se Ivanovi duhet ta pranojë këshillën miqësore të Perëndimit e jo këshillën armiqësore të Rusisë.

Ai thotë se zgjidhja për ta tejkaluar këtë situatë është e thjeshtë, t’u jepet mandati sipas Kushtetutës partive që sigurojnë shumicën parlamentare.