Ansambli “Gjilani” kurorëzohet me çmime në Festivalin “Kaçaniku 2014”

Gjilan – Ansambli i këngëve dhe valleve “Gjilani”, nga qyteti i Gjilanit, është nderuar me Çmimin “Orkestra dhe Grupi i Këngëtarëve më të mirë”. Ky festival mbahet për shumë vite me radhë në qytetin e Kaçanikut dhe kishte karakter garues, derisa pjesëmarrës ishin edhe Ansamble dhe grupe nga e gjithë hapësira Shqiptare thotë Nehat Fertai kryetar i ansamblit.

Sipas tij konkurrenca ishte jashtëzakonisht e fortë, por serioziteti dhe përgatitjet e Ansamblit “GJILANI “për këtë ngjarje të rëndësishme kulturore, por dhe në paraqitjet e tjera nëpër festivale të ndryshme bën që të shpërblehet mundi i të gjithë pjesëmarrësve.

Ansambli “GJILANI” në këtë ngjarje kulturore është paraqitur me këngë e valle, doke dhe zakone Autoktone nga treva e Anamoravës dhe Karadakut.

Përfaqësuesit e Ansamblit mendojnë se nga juria profesionale nuk kanë qenë të vlerësuar ashtu siç e merituan sepse mund të ketë dekurajim tek të rinjtë për punën vullnetare dhe me shumë mund që bëhet.

Sidoqoftë organizimi i Festivalit dhe mikpritja kanë qenë të jashtëzakonshme nga organizatori i Festivalit.

Programi Artistik është realizuar nga këshilli artistik i Ansamblit./rajonipress/