Haxhi Krasniqi mbron titullin më 26 korrik

Boksieri kosovar, Haxhi Krasniqi, më 26 korrik do të jetë përsëri në ring për ta mbrojtur titullin e tij në kategorinë gjysmë të rëndë në WBO.

Haxhi Krasniqit nuk i nevojitet pushimi. Pas fitores të cilën e shënoi në marsin e këtij viti, Krasniqi tain është duke menduar për duelin tjetër.

Boksieri kosovar më 26 korrik do të jetë përsëri në ring, kësaj here për ta mbrojtur titullin në kategorinë gjysmë të rëndë në versionin WBO të fituar në mars.

Rivali i boksierit junikas ende nuk është bërë i ditur, teksa një mbrojtje e suksesshme e titullit do t’i hapte atij rrugën për unifikimin e titujve tjerë të boksit profesionist botëror.

Ndryshe, për momentin Krasniqi është në një formë jashtëzakonisht të mirë, duke qenë bashkë me Nuri Seferin, dy boksierët më të mirë shqiptarë të momentit.