Bunjaku: As Shaqiri, Behrami e Januzaj s’do na ndihmonin shumë ndaj Turqisë

Përzgjedhësi kosovar, Albert Bunjaku, ka shkruar në rrjetin social Facebook një vlerësim të tij për dy humbjet nga Turqia e Senegali, duke thënë se as Shaqiri, Behrami e Januzaj nuk do t’i kryenin shumë punë Kosovës.

Përmes një postimi në rrjetin social Facebook, përzgjedhësi kosovar, Albert Bunjaku, i është drejtuar publikut kosovar me disa fjalë pas sfidave miqësore ndaj Turqisë e Senegalit.

Ja komenti i Bunjakut:

“Po u drejtohem pas dy takimeve të radhës, të përfaqësueses së Kosovës të cilën unë e drejtoi, në mënyrë që të ruaj kontaktin më të afërt dhe më të drejpërdrejtë me ju, të cilët edhe një herë dëshmuat dashuri të madhe për shtetin dhe reprezentacionin tonë. Prandaj më lejoni që që në fillim të këtij shkrimi t’ u shpreh falënderimin tim më të madh për përkrahjën që treguat si në ndeshjën e parë me Turqinë në Mitrovicë, ashtu edhe në ndeshjën me Senegalin në Gjenevë.

Me këtë rast, jo për të dhënë arsyetime, e as sqarime, por për të t’ u mbajtur të informuar me gjendjën dhe situatën aktuale në reprezentacionin tonë që po lind dhe që akoma është vetëm në hapat e vet të parë.

Në këto tri ndeshje, duke nisur nga ajo me Haitin në muajin Mars dhe këto me Turqinë e Senegalin gjatë javës së kaluar, në reprezentacionin e Kosovës janë grumbulluar 35 futbollist, nga të cilët 32 kanë pasur rastin që të shfaqin aftësitë e tyre futbollistike para shtabit teknik dhe vetë publikut, përball dy reprezentacioneve jashtëzakonisht të forta si Turqia e Senegali, por edhe ndaj Haitit që mbetet reprezentacion shumë i respektuar, sidomos për ne, që në kuptimin figurativ jemi akoma duke hap themelet e shtëpisë.

Prandaj pavarsisht rëndësisë së rezultatit, këto dy takime na kanë shërbyer për disa gjëra tjera: promovimin e reprezentacionit tonë, testimin praktik të futbollistëve në sfida të mëdha, funksionimin e ekipit në ballafaqime të nivelit të lartë dhe mbi të gjitha që të kuptojmë situatë dhe potencialin tonë actual, duke pas parasysh fazën në të cilën jemi, atë të fillimit të krijimit të ekipit dhe punën që na pretë në kohën që është para nesh.

Kemi përdorur shumë lojtarë dhe në një farë forme kemi qenë të detyruar që nga ndeshja në ndeshje edhe të improvizojmë, sepse jemi përballur me mungesa lojtarësh, për arsye nga më të ndryshmet, këtë e di gjithë opinioi futbolldashës në Kosovë megjithatë nuk dua ta përdor si fakt justifikues për asgjë. Prandaj problemet e tilla do t’ ia vështërsonin punën edhe reprezentacioneve me renome, e jo më një reprezentacioni filiz. Turqia dhe Senegali, thjesht janë shumë nivele mbi ne aktualisht dhe për vet faktin që jemi në fillim tonë, të jeni të bindur se edhe po të paraqitëshim me lojtar si: Shaqiri, Xhaka, Behrami e Januzaj, prap kundërshtarët tanë do të ishin favorit për shkakë të frymimit si ekip, gjë që ne aktualisht nuk e kemi dhe jemi tek në fillimin e një procesi të tillë që kërkon shumë sakrificë e punë, por mbi të gjitha kërkon shumë kohë.

Jam plotësishtë i vetëdijshëm që në futboll rëndësi kanë rezultatet, por secili ekip apo reprezentacion kalkulon në mënyrën e vet për të arritur maksimumin e mundshëm për një afat të caktuar dhe puna e rezultatet paraprake janë në shërbim të atij qellimi.

Duke qenë se aktualisht kemi të drejtë të luajmë vetëm ndeshje miqësore, megjithë vlerësimin për rezultatet, priorieti ynë mbetet krijimi i një ekipi të qëndrueshëm që do të jetë në gjendje të marrë rezultatet, atëherë kur ato të vlejnë vërtetë.

Ne kemi një synim, ne kemi dicka që po ndjekim dhe gjithcka që po ndodh tani është në shërbim të atij synimi, asgjë nuk bëhët rastësishtë. Synimi ynë është krijimi i ekipit që mund të na përfaqësoj në mënyrën më të mirë në kualifikimet për Botërorin “Rusia 2018”, e që nisin në Shtator të vitit 2016. Pikërishtë kjo është koha, kur do të dal në pah fytyra e vërtetë e reprezentacionit më të ri në Evropë. Deri atëherë gjithcka do të jetë në funksion të këtij qëllimi, normalisht pa lënë anash as rezultatet momentale të cilat unë dhe futbollistët që përzgjedhi do t’ i kemi synim në cdo ndeshje në të cilën do të përfaqësojmë Kosovën. Jam I vetëdijshëm për rëndësinë e rezultateve, ashtu sic jam i vetëdijshëm për entuziazmin tonë si popull që ti kemi ato rezultate menjëherë, por shtëpia nuk ndërtohet brenda nate, prandaj më duhet të kërkoj mirëkuptimin dhe durimin tuaj, në mënyrë që ekipi përfaqësues të ketë kohën e nevojshme për të ardhur në maksimumin e vet pikërishtë atëherë kur një gjë e tillë do të na duhet më së shumti. Vetëm ajo fazë do t’ i jap cdo kujt mundësinë të gjykoj se a është dhe sa është punuar në reprezentacionin e Kosovës.

Tani para nesh janë ndeshjet e radhës në të cilat, unë dhe futbollistët shpresojmë që prap do të ndjejmë përkrahjën tuaj të fuqishme, sic e kemi ndjerë në këta tre hapa të parë drejt nivelit më të lartë të futbollit botërorë”.