Haliti priti në takim ish presidentin shqiptar Alfred Moisiu

Viti – Kryetari i komunës së Vitisë Sokol Haliti, e ka pritur sot në një takim ish-presidentin e Shqipërisë Alfred Moisiun, të cilin e ka njoftuar për zhvillimet në këtë komunë dhe të arriturat e deritanishme

Kryetari Haliti tha se ndjehet i nderuar për vizitën e ish-presidentit Moisiu që i bëri Institucioneve komunale të Vitisë.

Ndërsa ish-presidenti Moisiu u shpreh i kënaqur me të arriturat që janë bërë në komunën e Vitisë dhe inkurajoi Institucionet komunale që të vazhdojnë të jenë të përkushtuara për të arritur progres dhe krijimin e një klime sa më të mirë për qytetarët e kësaj komune.

Ish presidenti Moisiu dhe kryetari Haliti të shoqëruar edhe nga kryesuesi i Kuvendit komunal Naim Pira, kanë vizituar edhe kanë vu kurora lulesh tek busti i Richard Holbrook-ut në Viti.

Gjithashtu, në emër të Institucioneve komunale, kryetari Haliti e nderoi atë me një mirënjohje./rajonipress/