Sabit Rexhepi kalon në VV, zhgënjehet në Lutfi Hazirin

Gjilan – Sabit Rexhepi, tha se kanë kaluar pesë muaj që kur Gjilani e ka zgjedhur Kryetarin e Komunës i cili pati premtuar shumë e nuk ka bërë ende asnjë punë që ua lehtëson jetën qytetarëve që i besuan premtimeve të tij.

“Shumë të reja e të rinj, nxënës, studentë, intelektualë e ekspertë të fushave të ndryshme, bujq e pensionistë po na bashkohen – vazhdoi Kurteshi më tej. Qëllimi i tyre dhe i yni është që nën shembullin e mirëqeverisjes në Komunën e Prishtinës dhe modelit e alternativës së VV!-s ta ndryshojmë të gjithë Kosovën ka thënë Ismajl Kurteshi.

“Nga anëtarësimet e shumta që ndodhën ditëve të fundit është edhe anëtarësimi i dy veprimtarëve të çështjes kombëtare, Sabit Rexhepit, kryetar i shoqatës së të Burgosurve Politik dhe, Shemsedin Hoxha ish i burgosur politik, të cilët besojnë në Alternativën e Lëvizjes dhe janë plotësisht të pakënaqur me rrjedhat politike dhe ekonomi”- tha Ismajl Kurteshi derisa i prezantonte të sapoardhurit.

Sabit Rexhepi, në fjalën e tij theksoi faktin se kanë kaluar pesë muaj që kur Gjilani e ka zgjedhur Kryetarin e Komunës i cili pati premtuar shumë e nuk ka bërë ende asnjë punë që ua lehtëson jetën qytetarëve që i besuan premtimeve të tij.

Premtimet e tij – vijoi Rexhepi – i ngjanin premtimeve që aktualisht po i bën Kryeministri në ikje vetëm që t’i fitoj zgjedhjet edhe pse e di se pjesa më e madhe e tyre janë të parealizueshme. Qytetarët e Gjilanit po e kuptojnë se pushtetarët aktual nuk po dallohen nga ata që ikën dhe se problem nuk është vetëm mungesa e fondeve por edhe e vullnetit për punë i udhëheqjes së re – përfundoi Sabit Rexhepi./rajonipress/