Hoxhaj: S’ka normalizim pa njohjen e Kosovës nga Serbia

Ministri i Punëve të Jashtme, Enver Hoxhaj, ka thënë se nuk mund të ketë normalizim të marrëdhënieve me Serbinë derisa kjo nuk e njeh pavarësinë e Kosovës.

“Nuk mund të ketë normalizim të plotë të relacioneve Kosovë – Serbi pa e njohur Serbia shtetin e pavarur të Kosovës. Por, elita politike në Kosovë dhe lidershipi në Bruksel duhet ta kuptojnë se dy vendet duhet të anëtarësohen në BE në të njëjtën ditë”, ka thënë Hoxhaj.

Këto komente ministri Hoxhaj i ka bërë në një ligjëratë të mbajtur sot me studentët e Departamentit të Shkencave Politike në Fakultetin Filozofik të Universitetit të Prishtinës “Hasan Prishtina”, me temën “Qasja pragmatiste e politikës së jashtme të Kosovës”. /Telegrafi/