Tuna thotë “Pardon”, por për çfarë?

Këngëtarja e suksesshme shqiptare, Tuna, ka vazhduar të nxisë enigmë dhe kurreshtje te publiku, e sidomos tek fansat e saj.

Tuna, e cila nga shumë konsiderohet superyll pas suksesit të jashtëzakonshëm me “Fenix”, ka postuar një fotografi në Instagram me mbishkrim #Pardon.

Se çka është kjo, nuk dihet. E paqartësitë vetëm sa i kanë rritur disa fotografi që këngëtarja i ka postuar kohë më parë në Instagram e vetmuar dhe me të dashurin e saj, reperin, Cozman.

Të njëjtën fotografi e ka postuar edhe Cozman dhe i gjithë ekipi #FenixTeam i Tunës pa dhënë detaje.

Në këtë fotografi pos shkrimit #Pardon shihet në prapavijë një pluhur me ngjyrë nga një shpërthim, por sërish Tuna vazhdon të jetë enigmatike për publikun duke mos treguar çka është ajo.

Tuna vazhdon të shijojë suksesin e këngës “MMV” në bashkëpunim me Getoar Selimin, një hit i cili arriti majat e klasifikimeve të top listave dhe klasifikimeve nga klikimet në YouTube.

Po ashtu, ajo pritet të shfaqet në rolin e aktores të hënën në episodin e ri të serialit “o Sa Mirë”.