Sinani: 17 shkurti, festa më e madhe e vendit

Kamenicë – Kryetari i Kamenicës Begzad Sinani me rastin e 9 vjetorit të Pavarësisë së Kosovës, ka uruar të gjithë qytetarët e Kamenicës duke e quajtur këtë ngjarje si festën më të madhe të vendit tonë.

“Të dashur qytetarë të Komunës së Kamenicës, kam nderin dhe privilegjin që në 9 vjetorin e Pavarësisë së vendit tonë Kosovës në emër të institucioneve lokale të Kamenicës të ju uroj të gjithë juve, fat, prosperitet dhe suksese në familjet Tuaja. Gjithmonë duke kujtuar dhe respektuar të kaluarën tonë, luftën tonë për liri dhe shtet, dëshmorët tanë që pavdekësinë e fituan me rënien e tyre për liri dhe me realizimin e qëllimit të tyre përmes aktit të shpalljes së pavarësisë më 17 shkurt 2008, kjo ditë fiton kuptimin e saj të plotë si festa më e madhe e vendit tonë, si data në të cilën ne reflektojmë për punën dhe përgjegjësitë tona, për mirëqenien e qytetarëve tanë dhe për avancimin tonë si shoqëri. Jemi gjenerata më me fat që patëm rol të caktuar në këtë ngjarje dhe përjetuam atë, dhe tani kur sërish jam në udhëheqje të komunës mbetem i përkushtuar për të punuar për të gjithë ju” ka thënë Sinani./rajonipress/