9 deputetëve të arrestuar ju shqiptohet masa e mbajtjes prej 48 orësh

Avokati Arianit Koci ka konfirmuar për Indeksonline se deputeti i AAK-së, Pal Lekaj do të mbahet për 48 orë në arrest me urdhër të Prokurorit.“Brenda kësaj periudhe Gjyqtari i Procedurës Paraprake vendos për ndonjë masë për sigurimin e prezencës së të pandehurit, sipas kërkesës eventuale të Prokurorisë”, ka thënë Koci.

Po ashtu, burime të Indeksonline thonë se një masë e tillë e mbajtjes në arrest për 48 orë do t’ju caktohet edhe deputetëve tjerë të shoqëruar në polici.

Gjithsejtë të shoqëruar në polici janë nëntë deputetë.
Avokati Arianit Koci ka thënë gjatë ditës se qëndrimi i tij juridik është se deputeti i Republikës së Kosovës nuk mund të arrestohet pa iu hequr imuniteti, sipas procedurës së parapare ligjore. /Indeksonline/