80 nga 100 nxënës dalin jashtë Kosovës

Me javë të tëra, deri në 10 autobusë të mbushur me kosovarë janë larguar ilegalisht përmes Serbisë për në Hungari, duke pasur si cak kryesisht vende të treta si Gjermania.

Shkolla fillore në fshatin Sllakovc të Komunës së Vushtrisë është mbyllur si pasojë e largimit të shumicës absolute të nxënësve.

Sipas zyrtarëve komunal të Vushtrisë që kanë folur në kushte anonimiteti, kjo shkollë ka pasur 100 nxënës, ndërsa ditëve të fundit 80 prej tyre nuk kanë dal më në shkollë pasi ata kanë ikur me familje jashtë Kosovës.

Me javë të tëra, deri në 10 autobusë të mbushur me kosovarë janë larguar ilegalisht përmes Serbisë për në Hungari, duke pasur si cak kryesisht vende të treta si Gjermania.

Nxnësit e mbetur në shkollën fillore të Sllakovcit thuhet të jenë shpërndarë nëpër shkollat e tjera përreth Vushtrisë.

Ditëve të fundit, pas rritjes së presionit ndaj autoriteteve qendrore të Prishtinës, është filluar të mos lejohen më që autobusët pa licencë të kalojnë kufirin në Merdare.

Mbrëmë, megjithatë katër autobusë kanë dal jashtë Kosovës. /Indeksonline/