8 orë gjumë ju përmirësojnë kujtesën

Një grup studiuesish në Shtetet e Bashkuara kanë zbuluar se njerëzit të cilët flenë 8 orë gjumë kanë kujtesë më të mirë. Dr Jeanne Duffy , neurologe në Spitalin Brigham and Women’s në Boston tha aftësia e njerëzve për të mbajtur mend rritet nëse ata flenë më shumë gjumë.

Në studim u morën një grup njerëzish në qendrën “Center for Clinical Investigation” të cilëve iu kërkua të memorizonin disa persona në 20 foto.

“Ne zbuluam se kur atyre iu dha mundësia të bënin një gjumë të plotë gjatë natës, aftësia e tyre për të identifikuar fytyrat dhe emrat e njerëzve ishte më e mire”- është shprehur Jeanne për Neurobiology of Learning and Memory

Pas 8 orëve gjumë ata i dallonin personat në foto 12% më saktë se kur flinin më pak gjumë.

/Oranews.tv/