727 shqiptarë tentuan të kalojnë ilegalisht kufirin

727 persona vihen nën hetim pasi tentuan të kalojnë ilegalisht kufirin duke përdorur dokumente false italiane, bullgare e sllovene me destinacion Anglinë dhe vendet e BE-së.

Kjo shifër u llogarit nga Janar deri në Nëntor 2019.

Po ashtu burime nga prokuroria e Tiranës bënë me dije se këta persona janë ndaluar në pikën e kalimit kufitar Rinas dhe disa prej tyre janë tashmë të dënuar nga drejtësia për veprën penale falsifikim letërnjoftimesh dhe kalim pa leje të kufirit.

Gjithashtu, një numër më i lartë shqiptarësh janë prekur nga dëbimet dhe shkelja e rregullave të lëvizjes së lirë në vendet e BE-s. ReportTv mëson se 1702 shtetasve u është ndaluar të udhëtojnë jashtë Shqipërisë dhe ata janë bllokuar, përcjell albinfo.ch.

727 shqiptarë tentuan të kalojnë ilegalisht kufirin