70 vjet nga hapja e shkollës në Tugjec

Nga Demir Krasniqi

Si bylbyli në ag t’ mëngjesit –
Do t’ ia këndoj një këngë Tugjecit !
Veç për mallë edhe për kujtime ,
Sepse është , o, vendlindja ime !

Muaj Nëntor,o, Dyzet e Shtatë –
Nuk harrohet për jetë të gjatë !
Për herë t’ parë në këtë fshat t’ malësisë –
U hap shkolla e diturisë !

Ukë Plakiqi, me këmbë të mbarë –
N’ Tugjec erdhi mësues i parë !
Prej Nekocit , o, të Drenicës –
Seç përhapte rreze të dritës !

Në Tugjec, në atë trevë malore –
U hap shkolla e parë fillore !
Në Tugjec , n’ atë Bashkësi Lokale –
Vinin nxënësit , o, nga këto male !

Seç krenohej shkolla e Tugjecit –
Me punën e Ali Pecit !
Ali Peci nga fshati Zhazhë –
N’ dituri , o, kishte bagazh !

Biri i Zhazhës , o, Ali Peci –
Ishte idol për nxënës të Tugjecit !
Biri i Zhazhës së Mitrovicës –
Ishte idol për nxënësit e Sfircës !…

Ali Peci prej Mitrovicës –
S’i frikësohej , o, sakrificës !
Mësonte nxënësit në Abetare
Dhe në rrugën e drejtë kombëtare !…

Ismail Voca prej Shalës s’ Bajgorës ,
Erdh n’ Tugjec , o, në shkollë fillore –
T’ përhapë dritë edhe dituri ,
T’ iu sjell nxënësve , o, lumturi !…

Nga Letanci i Podujevës –
Kontribut të madh i dha trevës !
Shaban Shala , o, prej Letancit –
Në Tugjec , mirë i mësoi nxënësit !
Emrush Bejtën nga Përlepnica –
E kujtojnë Tugjeci e Sfirca !
E kujtojnë Gmica e Meshina –
Mësonte nxënësit nga rrethina !…

Ferid Berisha me mendje t’ holla –
Me vullnet , o, hapi tri shkolla !
Përlepnicës , Koretinit , Strezocit –
Me parajsë e shpërbleftë prej Zotit !

N’ fshatin Gmicë , o, shkollën e hapi –
Mësuesi i parë , o, Hazir Kastrati !
N’ fshatin Sfircë , o, shkollës i priu –
Mësuesi i parë , o, Ismail Musliu !

Mehmet Masurica në këtë rrethinë –
Mësues i parë erdhi në Meshinë !
Rexhep Kastrati , mësues nuk u ngec –
I pari e hapi shkollën n’ Zajçec !

Prej shumë mësuesve n’ atë shkollë Tugjeci –
Kontribut t’ madh dha Ahmet Leci !
Ndërtoi shkolla edhe banesa –
Për ditë t’ bardha po shtonte shpresa !…

Shëmbëlltyrë , mësues prej tabani –
Do t’ kujtohet Hajdin Hasani !
Prej Shahiqit vinte n’ Tugjec –
Triumfonte me nxënës n’ sukses !

70 vite të ekzistencës –
T’i uroj , o, me xhan të zemrës !
T’ kesh jetë t’ gjatë , o, me ëmbëlsi –
Të rikthehet jeta n’ malësi !

Të rikthehet jeta n’ Gollak –
Të kesh nxënës , o, me bollak !
Ty Tugjec , të uroj shëndetin –
Në ty mësova , unë, Alfabetin !

Në ty mësova , unë, shkrim – leximin ,
Lojërat , këngët edhe gëzimin !…
Në ty mësova , unë, të vërtetën –
Se si duhet ta gëzoj jetën !

Gjilan, më 15. 09. 2017.

Demir Krasniqi