542 shqiptarë nga Kosova janë pajisur me pasaporta austriake

Numri i të natyralizuarve apo atyre që kanë marrë shtetësinë austriake nga të huajt gjatë vitit 2015 në Austri është gjithsejtë 8.265, apo 7,4% më i lartë se në vitin e kaluar.

Sipas Statistikave të Austrisë numri më i madh i të natyralizuarve për vitin 2015 vjen nga Bosnja dhe Hercegovina më 1,218 persona të ndjekur nga Turqia me 998, Serbia 636, Kosova 542, Federata Ruse 299 ashtu si Ukraina me 299, shkruan oe-jurnal.at, transmeton “albinfo.ch”.

Sipas medieve austriake të gjithë “austriakët e rinj” kanë fituar të drejtën e tyre legale duke qenë të integruar sipas sistemit austriak dhe qëndrimit të tyre prej së paku gjashtë viteve të rregullta në Austri, lindjes në Austri apo martesës me ndonjë shtetas austriak.

Që nga viti rekord 2003 ku u natyralizuan 45,112 persona, është shënuar rënie e vazhdueshme deri në vitin 2010 ku janë pajisur 6.190 persona. Mirëpo që nga viti 2011 sërish ka filluar ngritja duke arritur në 8.265 që ishte numri i vitit 2015.

Albinfo.ch