32 herë pa rezultat, Kuvendi mbetet i bllokuar
RajoniPress
11:43, 15 Qershor, 2025
| 3 javë më parë
Përpjekjet për konstituimin e Kuvendit të Kosovës kanë dështuar edhe në tentimin e 32-të, duke vazhduar kështu krizën politike dhe bllokimin institucional në vend.
Edhe sot deputetët nuk arritën të bien dakord për forminin e Komisionit për mbikëqyrjen e votimit të fshehtë për kryeparlamentarin.
Nga 75 deputetë të pranishëm për formimin e këtij komisioni pro votuan 45 deputetë, 1 ishte kundër dhe nuk pati abstenim.
Seanca e radhës vazhdon pas 48 orësh në orën 10:00
Ky dështim i përsëritur po ndikon drejtpërdrejt në funksionimin e shtetit, ndërsa qytetarët po përballen me pasiguri dhe mungesë shërbimesh.
Avokati Arianit Koci, ka paralajmëruar protesta dhe ka apeluar për më shumë angazhim qytetar, duke theksuar se “Pa Parlament s’ka ligje, pa ligje s’ka rend e s’ka shtet.”
Kjo situatë po vazhdon të krijojë një vakum politik, ku vendi mbetet i bllokuar. /Telegrafi/
