313 veta i bien not lumit, nëpër mot me borë

Moti i ftohtë dhe bora, bënë që të mos thyhej rekordi i vitit të kaluar, kur kishin qenë 328 pjesëmarrës

Kalimi me not i lumit Limmat në qendër të Cyrihut është një manifestim tradicional që mbahet në vigjilie të Krishtlindjes. Të dielën, për herë të parë ai u zhvillua gjatë kohës sa po binte borë. Megjithëkëtë, në këtë ritual të llojit të vet, që quhet “Noti i babadimrit” morën pjesë 313 veta, nga gjithsej 350 sa kishin paralajmëruar pjesëmarrjen.

Moti i ftohtë dhe bora, bënë që të mos thyhej rekordi i vitit të kaluar, kur kishin qenë 328 pjesëmarrës.

Temperatura e ujit të Limatt-it ishte afër 8 gradë, ose dukshëm më “e ngrohtë”, se temperatura e ajrit, që ishte 0 gradë. Shtegu të cilin duhet ta kalojnë notarët është 111 metra.

Sipas organizatorëve, ky organizim ka kaluar pa probleme.