30 – vjetori i shpalljes : Deklarata e Pavarësisë së Kosovës
RajoniPress
11:15, 2 Korrik, 2020
Teksti, muzika dhe interpretimi : Demir Krasniqi
Oh, mbarë Kosova n’ këmbë është ngritur ,
Delegatët ka porositur –
Të shpallin aktin e Pavarësisë ,
T’i hapin rrugën demokracisë !
Zëri i popullit po na thërret –
Për vend tonë t’ vendosim vet !
T’ jemi Zot t’ atdheut tonë –
Këmba e huaj mos t’ na sundojë !
Delegatët si kreshnikë ,
Në Prishtinë më 2 Korrik ,
Para tankeve të Serbisë –
Shpallën aktin e Pavarësisë !
Shpallë Kosova – PAVARËSI ,
Shpallet KOMB , e jo KOMBËSI !
Popullatë e mbarë shqiptare –
T’i gëzojë t’ drejtat gjithëkombëtare !
Delegatët trima e trimëresha ,
Si luaj e luanesha ,
Me vullnetin e gjithë njerëzisë –
I dhanë vulën historisë !
O, rroftë Kosova , rroftë Flamuri ,
Me djem trima – zemërguri !
As n’ Ballkan, as tej oqeani –
S’ na përçanë për jetë dushmani !
Shumë urime nga mbarë bota –
Faqebardhë të pret Evropa !
T’ pret Gjeneva e Amerika –
Me fat t’ qoftë ty, REPUBLIKA !
Gjilan, më 02.07.1990 v.
Demir Krasniqi : “MALLËNGJIME E USHTIMA”
Faqe 173, numër 99 – Gjilan, 1993 .
