27-vjeçari shqiptar merr vlerësim për arritje profesionale në Angli

Është bërë e ditur se shqiptari i quajtur Daniel Nikolla është shpallur “Fytyra e së ardhmes, e Shitjeve, Marketingut dhe Komunikacionit 2020” sipas Dhomës së Tregtisë të Birmingham-it në Angli, transmeton albinfo.ch.

Ai ka kryer studimet në Londër për marketing dhe film, aty ku edhe vazhdon karrierën e tij si drejtues i departamentit të marketingut në kompaninë “Hardy Signs”. 27-vjeçari është vlerësuar në eventin e përvitshëm të qytetit të Birmingham-it, si profesionist i ri, bazuar në arritjet profesionale dhe angazhimin proaktiv në komunitetin ku ai jeton.

Po ashtu, duhet theksuar se Danieli drejton departamentin e marketingut në kompaninë angleze ‘Hardy Signs’. Juria evlerësoi mbi të tjerët për prezantimin e një strategjie të re të marketingut bazuar në transformimin digjital dhe krijimin e kontentit online. Ata u shprehën se Danieli ka pasur një ndikim shumë të madh në rritjen e shitjeve për kompaninë. Ai gjithashtu u vlerësua për punën në komunitet dhe mbështetjen e kauzave të filantropike. Ai ka studiuar marketing në Londër dhe ka qenë President i Unionit të studentëve të City and Islington College, ku edhe është përzgjedhur si ‘international student ocer of the year’ nga kolegjet e Anglisë më 2016. Fillimisht ai u bë i njohur për publikun e gjerë shqiptar prej përfshirjes në videon e UEFA-s për tifozët kuqezi në “Euro2016”, transmeton tutje albinfo.ch.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).