Gjykata Themelore në Prishtinë ka dënuar me 25 vjet burgim të akuzuarën S.Z-S, për veprën penale “Vrasje e rëndë”.
“E akuzuara S.Z-S është akuzuar nga Prokuroria, pasi më 21.09.2018, rreth orës 08.30 në banesën e saj 39 A Grande Rue në Dole – Francë, ku ishin edhe duke jetuar, me dashje e kishte privuar nga jeta në mënyrë mizore bashkëshortin e saj, tani të ndjerin A.S., duke e goditur me mjet të mprehtë – sëpatë, të paktën 11 herë në pjesën e qafës, e që këto veprime të dhunshme kanë shkaktuar prerjen e kokës, ku kishte mbetur e ngjitur me trungun vetëm me një pjesë të hollë të lëkurës“, njofton Gjykata Themelore e Prishtinës.
“Me aktvendim të veçantë të akuzuarës S.Z-S i vazhdohet paraburgimi derisa aktgjykimi të marrë formën e prerë, por jo më shumë se koha e dënimit të shqiptuar me këtë aktgjykim“.
25 vjet burgim gruas që vrau burrin e saj me sëpatë në Francë
