25 milionë € për viza

Rreth 25 milionë euro për pesë vjetët e fundit vlerësohet se i kanë shpenzuar kosovarët vetëm për t’u pajisur me viza të zonës Shengen, ndonëse që nga kjo kohë qytetarët e të gjitha shteteve fqinje lëvizin pa viza në BE.

Pjesa më e madhe e këtyre janë shpenzuar për pagesë direkte për vizat në ambasadat e shteteve evropiane në Kosovë, ndërsa shuma të konsiderueshme janë shpenzuar edhe për çështje tjera të ndërlidhura me kompletimin e dokumentacionit për vizë.

Në periudhën 2010-2012 janë shpenzuar gjithsej 15 milionë euro, pasi për viza Shengen kanë aplikuar rreth 218 mijë kosovarë, ndërsa për vitet 2013-2014 megjithëse nuk ka të dhëna zyrtare, në bazë të trendit nga vitet paraprake besohet se janë shpenzuar edhe rreth 10 milionë euro të tjera./zeri/