23 vite pa donatorin e çështjes kombëtare e të sportit Jeton Ajeti

Gjilan – Pikërisht sot para 23 vitesh, qyteti i Gjilanit, kultura, sporti dhe çështja kombëtare pati humbur njeriun e madh, Jeton Ajetin, i cili nuk kurseu asgjë që populli i tij dhe sporti në kohë të okupimit Serb të mbijeton në ato kohëra të vështira.

Jeton Ajeti ndërroi jetë në moshën 28 vjeçare pas një sëmundje, por edhe pse i ri nga mosha ai vazhdimisht ishte zë i fuqishëm kundër okupimit serb, ai në çdo sferë të jetës për popullin e tij ishte i gatshëm të sakrifikon edhe kafshatën e bukës dhe këtë e bëri me bujari e respekt të madh ndaj popullit të tij.

Familja e Jeton Ajetit ishte një familje atdhedashëse e përndjekur vazhdimisht nga UDBA, çka dëshmon se gjyshi i Jeton Ajetit, Mehmet Ajeti, pa dëshirën e tij dhe torturave të cilat i kishin në familje nga pushteti Serb ishte i detyruar ti ndërronte vendbanimet. Jetoni kishte lindur në Prishtinë vllau në Kumanovë, ndërsa motra në Kamenicë, nga këto të këqijat që i bënte pushteti sllav, Jetoni u frymëzua dhe u zotua se do të jetë për jetë me popullin e tij.

Kur gjithçka pushteti Serb kishte uzurpuar, Jetoni me të madhe i doli në ndihmë sportit Gjilanas për ti zhvilluar garat në forma të ndryshme duke e aktivizuar jetën sportive me gjendjen e jashtëzakonshme që e kishte bërë shteti Serb ndaj popullit të Kosovës.

Jetoni ishte njeri që kontribuoi për çështjen kombëtare, ai me mjetet e tija financiare shumë herë organizoi takime se si të mposhtet okupatori serb nga trojet e Kosovës, ai në asnjë moment nuk u ndal, synimi i tij ishte që populli i tij më në fund ta sheh dritën e lirisë.

Djaloshi 28 vjeçar Jeton Ajeti, kontribuoi për të gjitha sportet të cilët luanin sportistët, ai me mjetet e tija financiare shumë herë ju solli skuadrave të ndryshme rekuizita sportive pasi që gjithçka ishte nën okupim.

Por dashuria më e madhe e tij ishte futbolli, në vitin 1995 kur u themelua KF Gjilani’95, Jetoni gjithçka që punoi e veproi i’a dha këtij klubi të cilin e kishte klub të zemrës vetëm për të mbijetuar, edhe pse ishin kohëra tejet të vështira për djaloshin 28 vjeqarë Jeton Ajetin nuk kishte barriera, ai me shumë zemërgjerësi i ndihmoi edhe familjet skamnore duke ju ngrohur sadopak zemrat në familjet e tyre.

Atdhedashësi, donatori e zemër ndrituri Jeton Ajeti para plot 23 vite theksonte: “Nuk më duhet pasuria kur populli im është duke vuajtur, gjithçka që kam do ta ndaj me vëllezërit e mijë Shqiptarë”.

Sot pas plot 23 vitesh Jeton Ajeti i mungon familjes, i mungon Gjilanit e Kosovës, i mungon shoqërisë, i mungon sportit, por ne duhet të jemi krenar që qyteti i Gjilanit ka pasur një djalë të ri me vizion e zemër të madhe siç ishte Jeton Ajeti, ndërsa ne do ta përkujtojmë me dinjitet për veprat e bëra./rajonipress/