“2023 viti ynë” – Amir Rrahmani i gëzohet edhe titujve të ish-skuadrave të tij
RajoniPress
23:23, 2 Qershor, 2023
Përveç titullit të kampionit të fituar me Napolin këtë sezon, Amir Rrahmani i është gëzuar edhe titujve të fituar nga ish-skuadrat e tij.
Reprezentuesi i Kosovës u shpall kampion me Napolin në Serie A, duke ndihmuar skuadrën e tij që ta rikthej titullin pas 33 vjetëve, shkruan Gazeta Express.
Dy ish-skuadrat e Rrahmanit, Partizani nga Shqipëria dhe Dinamo Zagrebi nga Kroacia, gjithashtu u kurorëzuan me titullin e kampionit në shtetet e tyre.
Rreth këtyre sukseseve, 29-vjeçari ka bërë një postim në llogarinë e tij në “Instagram”.
“2023 viti ynë”, shkroi Rrahmani, duke iu referuar Napolit, Partizanit e Dinamo Zagrebit.
/Gazeta Express/
