2015-a çoi në burg të dyshuar për terrorizëm në Kosovë

Terrorizmi, radikalizmi dhe ekstremizmi i dhunshëm, kishin marr hovë gjithandej nëpër botë gjatë vitit 2015. Si pasojë e një ideologjie të tillë ekstreme, shumë vende të botës ishin cak i sulmeve terroriste në vitin që sapo kemi lënë pas.

Madje, 2015-ta kishte nisur me pamje të tmerrshme të sulmeve të tilla, që nisën në Francë, në revistën satirike Charlie Hebdo, e duke përfunduar po në Francë, në sulmet tjera, ku humbën jetën rreth 200 persona, në atë që tashmë po njihen si sulmet e Parisit, transmeton Koha.net.

Por, imune ndaj frikës për sulme të tilla terroriste, nuk qëndroj as Kosova. Prej vitesh flitej për radikalizmin e mundshëm të një numri të caktuar kosovarësh. Ligjërimet e hoxhallarëve me një gjuhë që vlerësohej si ideologjike dhe nxitëse për pjesëmarrje në grupet terroriste, kishin filluar të nxisin reagime të shumë aktorëve, shoqëror e politik në Kosovë.

Si pasojë edhe e rritjes së vazhdueshme të numrit të të rinjve kosovarë, që ishin bashkuar me grupet terroriste në Siri e Irak, kishin filluar dyshimet pikërisht ndaj predikuesve islam, si faktor të bindjes së atyre të rinjve për të marr atë rrugë sa të panjohur aq edhe të rrezikshme për veten, familjen, shoqërinë e shtetin e Kosovës, i cili deri para pak vitesh nuk njihte gjuhë e ideologji të tillë ekstreme.

Dhe, pikërisht, frika nga terrorizimi dhe arrestimet e shumta nën dyshimet për terrorizëm edhe e karakterizuan vitin 2015-të.
Ne pjesën e parë të vitit, më shumë se 60 kosovarë përfunduan nën pranga pasi dyshoheshin se kanë lidhje me organizatën terroriste ISIS.

Ndiqeni përmbledhjen e KTV-së për çështjen e sigurisë në Kosovë.

http://koha.net/?id=3&l=91715