20 vjet burgim për vrasjen me thikë të shqiptarit në Vjenë

Në lartësinë e dënimit ka ndikuar si rrethanë lehtësuese fakti se i dënuari nuk ka pasur ndonjë precedent penal deri në rastin e kryerjes së vrasjes. Ndërkaq, si rrethanë rënduese është konsideruar “mënyra veçanërisht e pabesë dhe mizore” e kryerjes së vrasjes
h
Trupi gjykues i përbërë prej gjyqtarëve porotë i Gjykatës së Landit të Vjenës i ka shqiptuar njëzëri dënimin me 20 vjet heqje lirie shtetasit të Maqedonisë për vrasjen me thikë të shqiptarit, shtetas të Kosovës, shkruan der Standard.at. Vrasja ka ndodhur në natën mes 17 dhe 18 dhjetorit të vitit 2017 në lagjen Favoritten të Vjenës, transmeton albinfo.ch.

Në lartësinë e dënimit ka ndikuar si rrethanë lehtësuese fakti se i dënuari nuk ka pasur ndonjë precedent penal deri në rastin e kryerjes së vrasjes. Ndërkaq, si rrethanë rënduese është konsideruar “mënyra veçanërisht e pabesë dhe mizore” e kryerjes së vrasjes, ka thënë kryesuesja e trupit gjykues, Nina Steindel. Ajo ka shtuar se viktima ka qenë i paarmatosur dhe është vrarë në mes të rrugës.

Vrasja është bërë me 7 goditje me thikë, njëra prej të cilave ka qëlluar zemrën e viktimës

Viktima, një shqiptar 33 vjeçar nga Kosova kishte qenë duke ecur me të fejuarën e tij, rrugës për të ngrënë diçka në një kiosk, kur ishte sulmuar nga tashmë i dënuari dhe një person tjetër i pazbuluar. Sipas prokurorisë, i akuzuari donte t`i hakmerrej kolegut të tij të punës, me të cilin prej vitesh po kalonin nëpër një konflikt latent, përcjell albinfo.ch. Që në vitin 2008 mes tyre kishte pasur mosmarrëveshje por edhe përleshje fizike. Me atë rast, kosovari e kishte therur kundërshtarin e tij me një objekt të mprehtë.

Më vonë, shtetasi i Maqedonisë ishte kthyer në vendlindje pasi i ishte refuzuar kërkesa për azil, transmeton albinfo.ch. Pasi që ishte martuar, kishte ardhur sërish në Austri ku kishte punuar herë pas here. Në nëntor 2017 ishte takuar rastësisht me kosovarin dhe sërish ishin rrahur. Sipas të dënuarit, ai kishte qenë viktima në atë rast. Dhe, vrasja më 17 dhjetor 2017 vjen si rezultat i marrjes së hakut nga ky i fundit.

I dënuari është shprehur i penduar për krimin. Dënimi i shqiptuar sot, ende nuk është i plotfuqishëm.

20 vjet burgim për vrasjen me thikë të shqiptarit në Vjenë

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).