20 vite nga vrasja mizore e dy vëllezërve Saqipi nga Dobrosini

Gjilan – Pikërisht sot më 26 janar po mbushen 20 vite nga vrasja mizore e dy vëllezërve Martir: Isa e Shaip Saqipi nga polica serbe në hyrje të fshatit Legjendar Dobrosin.

Siç ka thënë Reshat Salihu kryetar i Bashkësisë Lokale në Dobrosin kjo vrasje ishte një tragjedi e madhe për fshatin e sidomos për familjen që mbeten pa dy djemtë e vetëm të cilët lan pas vetes 9 jetim.

“Po të njëjtën ditë doli në skenë UÇPMB-ja e cila për 16 muaj rresht i ngjeshi radhët e veta nga Dobrosini e deri në Terrnoc, duke marr pjesën dërmuese të Komunës së Bujanocit nën kontroll të plotë. 28 dëshmorë ranë përjetësisht në Altarin e lirisë. Pra vrasja e vëllezërve Saqipi u bë gurthemel i luftës për liri të Kosovës Lindore” ka shkruar Reshat Salihu.

Ndryshe të dielën nga ora 10.30 bëhen nderime te kompleksi i varrezave të dëshmorëve dhe martirëve të vëllezërve Saqipi në Dobrosin!

Qoftë i përjetshëm kujtimi për martirët vëllezërit Saqipi dhe gjithë dëshmorët e kombit. Lavdi për jetë e mot. Gjithmonë të respektuar e të pa harruar nga Bashkësia Lokale e Dobrosinit ka shkruar Reshat Salihu./rajonipress/

Ndërkaq vajza e Isa Saqipit, Samirja i ka dedikuar një poezi mjaft prekëse martirëve

Unë jam vajza e një Martiri
Po, po unë jam vajza e Isa Saqipi-t
Unë jam ajo vajzë që mbaj kokën lartë me krenari.
Jam ajo që sot ju them:
Lavdi.

Lavdi Betejës së UÇPMB-së,
Lavdi Veprës së Luftëtarëve,
Lavdi Rënies së Dëshmorëve të Kombit!
Lavdi Martirëve dhe Invalidëve të Luftës.

Lavdi për ty Babi e Xhaxhi.

Prandaj mos më quani mua jetim
Se e kam të gjallë Babin tim,
Dëshmori e Martiri kurrë nuk vdesin
Ata gjithmonë të gjallë mbesin…

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).