20 nxënës të Gjilanit do të aftësohen profesionalisht në Turqi

Gjilan – Shteti i Turqisë ka konfirmuar se 20 nxënës të Gjilanit do të aftësohen atje në fushën e inovacionit të teknologjisë, dizajnit dhe në përgatitjen e cilësinë e ushqimit.

Lajmin e ka bërë të ditur drejtori i Drejtorisë Komunale të Arsimit në Gjilan, Nazim Gagica, i cili pas vizitës zyrtare në Bursa të Turqisë, ka vizituar edhe disa korporata, kompani dhe biznese të cilat operojnë atje, duke arritur kështu këtë marrëveshje të rëndësishme.

“Jam shumë i lumtur dhe e falënderoj shtetin turk që e ofroi këtë mundësi të jashtëzakonshme për aftësimin profesional të 20 nxënësve në lëmi të ndryshme. Ky lajm i mirë ka ardhur pas binjakëzimit të shtatë shkollave të Gjilanit me shtatë shkolla të Bursës. Tashmë ne do t’i bëjmë përgatitjet për përzgjedhjen e nxënësve më të mirë në fushat përkatëse. E falënderoj shumë kryetarin Lutfi Haziri për kujdesin e madh dhe përkrahjen që po i jep sektorit të Arsimit”, ka deklaruar Gagica./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).