20 milionë euro nga legalizimi

Nga legalizimi i objekteve pa leje Komuna e Prishtinës po planifikon të inkasojë rreth 20 milionë euro. Në një intervistë për gazetën “Zëri”, kryetari Komunës, Shpend Ahmeti, thotë se deri më tash në kryeqytet kanë evidentuar hiç më pak se 46 mijë ndërtime pa leje.

Kryetari i Komunës së Prishtinës, Shpend Ahmeti, thotë se janë në fazën e fundit të vlerësimeve të metrave katrorë për objektet që do të legalizohen. Sipas tij, çmimi i legalizimit do të jetë diku rreth 6 euro për metër katror

Zëri: Propozimet e juaja për ndryshim të planeve urbane nuk po kalojnë në Asamblenë Komunale. Si e shihni zgjidhjen?

Ahmeti: Planet rregullative janë për të mirën e qytetarëve të Prishtinës, dhe kalimi i tyre edhe ndihmon planifikimin më të mirë, por në radhë të parë lehtëson jetën e qytetarëve të cilët me vite të tëra po presin që këto plane të bëhen dhe të kalojnë.

Qëllimi i disa subjekteve është që të pengojnë punën e Komunës, por me këtë ata edhe po e bëjnë jetën e qytetarëve më të vështirë. Megjithatë, kjo le të mbetet në ndërgjegjen e tyre./zeri/