Të gjithë azilkërkuesit që vendosin vullnetarisht të largohen nga Zvicra do të marrin me vete nga 2 mijë franga
Qeveria e Zvicrës të premten ka miratuar ndryshimet përkatëse ligjore. Shumica e ndryshimeve në fjalë do të hyjnë në fuqi nga 1 prilli 2013.
Në të ardhmen autoritetet zvicerane do t’i stimulojnë financiarisht edhe personat në qendrat administrative të paraburgimit duke ndarë më shumë para për kthimin e tyre.
Të gjithë të prekurit do të marrin deri nga 500 franga në vend të 100 frangave që i kishin marrë deri më tani.
Në raste individuale, Qeveria Federale e Zvicrës është shprehur e gatshme të paguajë edhe më shumë për kthimin e azilkërkuesve në vendet e tyre. 2 mijë franga është maksimumi që do t’u jepet atyre me kusht nëse tregohen koperativ në përgatitjen e dokumenteve për kthimin në vendet e tyre.
Rregullat e reja gjithashtu do të aplikohen vetëm në rastet kur procedurat në përgatitjen e dokumenteve zgjasin më shumë se gjashtë muaj, ose nëse personi ka refuzuar me përcjellje policore të kthehet në vendin e origjinës, ose në raste kur azilkërkuesit është i arrestuar.
Edhe kantonet mund t’i përdorin rregullat e reja për të përshpejtuar dëbimin e azilkërkuesve, thuhet në një njoftim të Departamentit te Drejtësisë dhe Policisë.(albinfo)
