2 kivi në ditë bëjnë mrekulli për të parandaluar këtë sëmundje

Për të parandaluar sëmundjen e mishrave të dhëmbëve, të njohura si sëmundjet ‘periodontale’, ju duhet të merrni të paktën dy kivi në ditë. Kjo është zbuluar nga një studim i kryer nga studiuesit në Universitetin e Pizës, i cili fitoi edhe çmimin “HM Goldman 2017”, të dhënë nga “Società italiana di Parodontologia e Implantologia”. Autori shkencor është Filippo Graziani, profesor i departamentit të patologjisë kirurgjikale.

“Në këtë studim janë testuar dy grupe pacientësh,” – shpjegon Graziani. Ky studim thekson edhe njëherë rolin e frutave, por konkretisht nëse hani 2 kivi në ditë, për parandalimin e sëmundjes periodontale.

Kjo praktikë ka rezultuar me një reduktim të ndjeshëm të gjakderdhjes nga dhëmbët te pacientët, në krahasim me ata që nuk morën këtë numër frutash dhe duke vazhduar kështu me zakonet e tyre të të ngrënit.

“Studiuesit shpjegojnë se efekti përfitues i frutit të kivit është akoma më i madh në fazën parandaluese të sëmundjes periodontale (i cili konsiston në pastrimin e rrënjës së mishrave).

Duke marrë kivi, sipas autorit, ndihmoni në reduktimin e inflamacionit të mishrave dhe të dhëmbëve, por gjithsesi, pa harruar edhe efektin që kanë trajtimet e ndryshme, që janë të nevojshme në rast të përkeqësimit të sëmundjes.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).