1896 votues zgjedhin kryetarin e Pasjanit
RajoniPress
09:57, 15 Dhjetor, 2013
Pasjan – Sot, në fshatin Pasjan po përsëriten zgjedhjet për kryetar të kësaj komune. Komisioni Qendror i Zgjedhjeve ka njoftuar se n tri vendvotime në Qendrën e votimit 3603D, në fshatin Pasjan të Komunës së Parteshit, kanë filluar votimet, ku po përsëriten zgjedhjet e rundit të dytë të Zgjedhjeve Lokale për Kryetar Komune.
Sipas raporteve nga Komisioni Komunal Zgjedhor tri vendvotimet në këtë Qendër votimi janë hapur me kohë, dhe procesi i votimit është duke vijuar rregullisht.
Numri i përgjithshëm i votuesve në këto qendra votimi është 1 896.
