18-vjeçarja shqiptare që kandidon në zgjedhjet lokale në Belgjikë

Zgjedhjet do të zhvillohen në tetor të këtij viti. 18-vjeçarja shqiptare Klaudja Hajdari është një ndër kandidatet për këshillin e komunës Vilvoorde në Belgjikë.

Klaudja kandidon për partinë SPA (Socialistiche Partij Anders) dhe renditet e 14-ta ndër 35 personat që kandidojnë për anëtarë këshilli. Zgjedhjet do të zhvillohen në tetor të këtij viti, shkruajnë mediat shqiptare.

18-vjeçarja shqiptare jeton në Belgjikë së bashku me dy prindërit e saj dhe vazhdon studimet në vitin e fundit në gjimnaz, përcjell albinfo.ch.

Klaudja Hajdari është një person jo pak i njohur në Belgjikë, pasi shqiptarja është angazhuar që herët në organizatat rinore dhe në aktivitetet sociale e kulturore. Madje në moshën 16-vjeçare Klaudja u zgjodh ambasadore e organizatës YOUCA (Youth for Change and Action), ku ka qenë përfaqësuese e të rinjve belgë në takimet ndërkombëtare.

18-vjeçarja shqiptare që kandidon në zgjedhjet lokale në Belgjikë

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).