16 vite në përkujtim të rënies së dëshmorit tetovarë

Jusuf Iljazi – Komandant Cufa ( 1969 – 31.07. 2002)

Ndër dëshmorët e kombit nga djepi tetovarë ,
Për liri të popullit që ra n’ altarë –
Ishte Jusuf Iljazi – ai Komandant “Cufa” ,
Gjaku i tij solli lirinë si lulet me tufa !

Dëshmorët e kombit në altar pushojnë –
Por , brezat ndër shekuj me këngë i përkujtojnë !
Ata përmes këngëve n’ krenari kujtohen –
Për luftë e trimëri gjithmonë do t’ nderohen !

Trim Jusuf Iljazi – ai Komandant “Cufa” –
Shënon përvjetorët si lulet me tufa !
Ishte luftëtarë i Ushtrisë Çlirimtare –
Që ra heroikisht për trojet shqiptare !

Trim Jusuf Iljazi me shumë luftëtarë tjerë –
Me gjakun e tyre , Atdheut i banë nderë !
Tash kur edhe ne , e gëzojmë lirinë –
N’ shpirt kemi mburrjen edhe krenarinë !

Komandanti “Cufa” dhe shumë t’ rënë të tjerë –
Do të përkujtohen me respekt dhe nderë !
Me mall t’ madh kujtohen nga t’ gjithë familjarët ,
Vëllezërit , miqtë , shokët dhe bashkëluftëtarët !…

Komandantin “Cufa” – trim, hero , dai ,
Në çdo përvjetorë të rënies së tij –
Përplot krenari si është ma së miri ,
Me nderime t’ larta e nderon i biri !

O, baba i im , pusho i qetë n’ amshim –
Me ty jam krenar , nuk ndihem jetim !
Unë me ty jetoj i lumtur dhe krenarë –
Për liri ke dhanë jetë si luftëtarë !

Unë isha i vogël , kisha veç 8 vjet –
Kur e mora lajmin , se ti ke ndërruar jetë !
U mundoja Nënës , t’i japi gajret –
Mos u mërzit Nënë , se Babi s’ ka ndërruar jetë !

Nuk ka ndërruar jetë , oj Nënë, Baba i jonë –
Ai shumë shpejt do t’ kthehet prapë në praninë tonë !…
Edhe ashtu ndodhi , si herët , si vonë –
Ti , o Babë , gjithmonë je në praninë tonë !…

Babi im , ju jeni ata që nuk iu harrojmë –
Deri n’ piedestal , ne do t’ iu nderojmë !
Ata që kanë luftuar , nuk dhanë jetën kot –
Për t’ jetuar të lirë ne që jemi sot !…

Babi im, sot jemi 16 vite pa ju –
Çdo herë afër nesh , kurrë s’ ke me u harru’ !
Si SHKËLQIM I ARTË , SHPIRTBARDHË , plot DASHURI –
Për secilin prej nesh , i vjetër , apo i ri !…

Edhe pse n’ amshim , je i shtrirë për dhe –
Ti , o Babë , gjithmonë do të jesh me ne !
Do të jesh në shpirt , zemër , mendje i shtrenjtë ,
Do të jesh për neve , si qenie e shenjtë !

Do t’ kujtojmë përherë me mall e dashuri –
Sharmin tënd njerëzor i buzëqeshur me lumturi !
Në punë dhe suksese i pandalshëm asnjëherë ,
Shpirt humanitarë , bamirës kurdoherë !…

Do të më mungosh për jetë , o BABI IM –
Do t’ ndihem i vetmuar , por jo si jetim !
Se jam djalë i yti , n’ shpirt ndiej krenari –
Luftës , veprës sate gjithmonë i pastë LAVDI !

Gjilan, më 31.07.2018

Demir Krasniqi