15 vjet me revistën letrare “Qëndresa”

U bënë pesëmbëdhjetë vjet nga dalja e numrit të parë të revistës “Qëndresa”. Revista e jona dhe e juaja edhe më tej vazhdon të prezantojë vlera dhe risi kulturore të të gjitha gjinive letrare. Është revista letrare e vetme në Kosovën Lindore (Preshevë, Bujanoc dhe Medvegjë), dhe është gjithëpërfshirëse për të gjithë krijuesit e botës shqiptare.

Revista letrare “Qëndresa” del në çdo mars, në kujtim të datave të historisë jetike të shqiptarëve të tri komunave tona.

Ky numër iu dedikua kolosit të letrave shqipe, Ismail Kadare, i cili para pak muajsh shkoi në amshim.

“Qëndresa” i bashkon shqiptarët e ndarë padrejtësisht nga trungu i vetëm shqiptar me krijimet e tyre të cilat janë të zhanreve dhe motiveve të ndryshme, andaj jemi këtu t’i shpalosim vlerat e krijuesve shqiptar.

Pra, revista edhe më tej do të vazhdojë të botohet në çdo mars. Për daljen në dritë të kësaj reviste lidere në Kosovën Lindore, falënderojmë donatorin e saj z. Qenan Hamdiu Vlora, i cili po i`a zgjatë jetën kësaj reviste, të cilin e falënderojmë.

Bilall Maliqi, themelues dhe kryeredaktor