14 vitias certifikohen në fushën e instalimit të ujësjellësit

Viti – Të premtën në Shkollën e Mesme Profesionale “Jonuz Zejnullahu” në Viti, është bërë ndarja e certifikatave për 14 persona të cilët kanë ndjekur trajnimet profesionale në fushën e instalimit të ujësjellësit. Në ceremoninë e ndarjes së certifikatave ka marrë pjesë Kryetari i Komunës së Vitisë, Sokol Haliti, Fisnik Beqiri, Drejtor Menaxhues i Fondacionit-Kosovë- Luksemburg si dhe Drejtori i kësaj shkolle, Nijazi Lutfiu dhe të tjerë.

Kryetari i Komunës së Vitisë, Sokol Haliti ndër tjerash falënderoj Fondacionin Kosovë-Luksemburg për siç tha ai mbështetjen e vazhdueshme që po e bënë ky fondacion me projekte të ndryshme në Komunën e Vitisë.

Ai tha se Komuna e Vitisë është e interesuar të vazhdojë këtë bashkëpunim të mirë pasi që projektet të cilat po realizohen me këtë Fondacionin Kosovë-Luksemburg janë në interes të qytetarëve të kësaj komune.

Haliti theksoi se me trajnime të tilla në veçanti përfitojnë ata të cilët dëshirojnë të rrisin njohurit e tyre profesionale për tregun e punës.

Ndërkaq Nijazi Lutfiu, Drejtor i Sh.M. P “ Jonuz Zejnullahu” në Viti, foli ndër tjerash rreth rëndësisë së trajnimeve të tilla dhe shtoi se në tregun e punës nevojitet njohurit teorike dhe praktike të cilat do të ju ofrohen përmes projekteve të tilla.

Ndërsa në këtë ceremoni kanë folur edhe përfaqësues të Fondacionit Kosovë-Luksemburg por edhe Ramadan Ramadani i cili i ka trajnuar 14 vitiasit në fushën e instalimit të ujësjellësit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).