1347 gjoba të shqiptuara, 14 aksidente me dëme materiale, 19 aksidente më të lënduar dhe 24 ndalesa

Gjilan – Gjatë kësaj periudhe janë shqiptuar njëmijë e treqind e dyzet e shtatë (1347) gjoba për kundërvajtësit të cilët kanë rënë ndesh me ligjin për rregullat e trafikut rrugor.

Drejtoria rajonale e Policisë Gjilan, njësia rajonale e trafikut rrugor dhe stacionet policore të Drejtorisë rajonale të Policisë Gjilan gjatë periudhës kohore 15.12.2023-21.12.2023 në vazhdën e implementimit të planit operativ “Siguria në trafikun rrugor” kanë realizuar aktivitete në zonën e përgjegjësisë që mbulon shtatë (7) komuna.

Gjatë kësaj periudhe janë shqiptuar njëmijë e treqind e dyzet e shtatë (1347) gjoba për kundërvajtësit të cilët kanë rënë ndesh me ligjin për rregullat e trafikut rrugor.

Po ashtu në kuadër të këtij plani janë ndërmarr aktivitete edhe në:
· Hetim i katërmbëdhjetë (14) aksidenteve të komunikacionit me dëme materiale,
· Hetim i nëntëmbëdhjetë (19) aksidenteve të komunikacionit me të lënduar,
· Shqiptuar masa e ndalim drejtimit të mjeteve motorike për njëzet e katër (24) ngasës,

Njësitet policore të Drejtorisë rajonale të Policisë Gjilan kanë mbajtur dhe vazhdojnë të mbajnë pika të shumta të kontrollit të automjeteve me qëllim të prezencës sa më të madhe në terren dhe parandalimit të aksidenteve të komunikacionit rrugor, me theks të veçantë të aksidenteve me fatalitet.

Me qëllim parandalimin e aksidenteve në komunikacionin rrugor, Drejtoria rajonale e Policisë Gjilan apelon tek të gjithë ngasësit që të respektojnë dispozitat ligjore në trafik, të përshtatin ngasjen dhe shpejtësinë me kushtet e rrugës dhe rregullat në trafik njoftoi policia e Gjilanit./rajonipress/