13 vite nga vdekja tragjike e Erion Foniqit

Kamenicë – Babai i Erionit kujton humbjen e djalit, që tragjikisht vdiq nga qentë endacak.

Sot 13 pranvera po vijnë dhe Erioni nuk është në mesin tonë dhe që nga rasti i djalit tim habitem institucionet tona ende nuk kanë bërë zgjidhje që fëmijët tanë të shkojnë në shkollë të sigurt.

Lus zotin t`i ruajnë të gjithë fëmijët nga ndonjë tragjedi nga qenët endacak dhe kërkojë edhe një herë nga institucionet lokale dhe qendrore të marrin masa sa më shpejt dhe të ndalin ndonjë tragjedi.

Sepse janë mësuar në Kosovën tonë pasi që të ndodhë një rast me marr masa formalisht dhe mos me dhënë askush përgjegjësi siç ndodhi me djalin tim i bëra kërkesë urgjente në emër të bashkësisë Lokale të Karaçevës, për paraqitjen e qenve endacak në fshatë dhe kërkuam që urgjentisht të i eliminojnë sepse po rrezikohet jeta e fëmijëve duke shkuar në shkollë dhe nuk morën masa.

Në vend që të jep përgjegjësi organi i komunës, Prokurori e fshehu rastin dhe mua nuk më mbeti gjë tjetër vetëm të largohem nga vendi. Mallkuar qofsh Prokurorë që fale zyrtarët që nuk ndërmorën masa për eliminimin e qenve endacak, i ke pas të gjitha provat. Zoti i ruajt të gjithë fëmijët nga ndonjë tragjedi. Qofsh i pa vdekur djali imë Erion ka shkruar me shumë emocione Shaban Foniqi./rajonipress/