13 vite nga ndarja e profesor Ruzhdi Ismajlit, për të mos harruar kontributin e tij

Gjilan – Është thënë se vdekja gjithmonë është e dhimbshme dhe len zbrastesira tek familjarët e shokët. Një zbrastirë të madhe në jetën e familjarëve të profesor Ruzhdi Ismajli dhe shokëve të tij u ndje që nga 4 prilli i vitit 2005, kur profesori i nderuar iku nga jeta jonë duke na lënë me mbresa të një njeriu të madh që e deshi shkollën, nxënësit, shokët, e mbi të gjitha e deshti vendin e tij Kosovën, që punoi gjatë jetës së tij për të mirën e kombit shqiptar.

Profesor Ruzhdiu, i dashuruar tek dija që fëmijët e të ardhmes të kenë një dije më të përsosur e mori ditarin në vitin 1980, për t’ju mos u ndarë gjerë në momentet e fundit të e jetës së tij.

Profesori Ruzhdi Ismajli që ligjëronte lëndën e Gjuhës Shqipe në shkollën e mesme të mjekësisë “Asllan Elezi”, të cilën shkollë e themeloi vet në vitin 1994-95 për ta drejtuar për 5 vite rresht me mjaft sukses duke hapur edhe paralele të kësaj shkolle në Dardanë e Viti.

Ruzhdiu i cili ligjëronte dhe në zemër kishte Gjuhën Shqipe, ai pas vete la vepra të papërsëritshme për çështjen kombëtare, dashurinë ndaj shkollës dhe inteligjencën që kishte në profesionin e tij të profesorit.

Sot kur po na mungon tani e 13 vite, shumë profesor me admirim kujtojnë shëmbëlltyrën e profesor Ruzhdiut.
“Jam krenar që kam pasur rastin të jem pjesë e punës me profesor Ruzhdiun, ai ishte një trim i pathyeshëm ishte vizionar i çështjes kombëtare, ai vuante për diturinë e nxënësve kudo që shkonte ai kishte në mendje nxënësit e tij, shkollën, dijen, familjen e shtetin e tij. Ai është i pa përsëritshëm, ai në çdo vend dhe kohë na mungon, me kujtohen fjalët e tij të shpeshta kur thoshte,”Mendja e një kombi është arsimi, e arsimi është zemra e popullit”, i qoftë i lehtë dheu i Kosovës”, është shprehur me emocione të mërzitura profesori Nazim Hajdari.

Për profesor Abdulla Elezin, figura e profesor Ruzhdi Ismajlit është e papërsëritshme.
“Ai ishte një vizionar i madh i arsimit, ai gjithçka punoi me zemër për shkollën dhe çështjen e Kosovës, ai nuk u tremb asnjëherë, kishte ideal të madh dhe i ishte i pathyeshëm, kur gjithçka rrënohej Ruzhdiu hapi shkollën e mjekësisë të cilën sot po e gëzojnë fëmijët tanë, profesor Ruzhdiu është i papërsëritshëm dhe jemi krenar që gjatë karrierës sonë të mësimdhënësit kemi pasur një shokë të tillë”.

Se sa e donte popullin e tij, nxënësit e shtetin e Kosovës, njëri ndër themeluesit e LDK-së dega në Gjilan së bashku me profesor Ruzhdiun, profesor Musa Qerimi me nostalgji kujton.
“Që nga ditët e para të themelimit të LDK-së ishim pjesë me Ruzhdiun, ai ishte i pa kompromis kur ishte çështja e Kosovës, ishte vizionar i madh dhe punëtor i pa lodhur, për të nuk kishte asnjëherë pengesa të natyrave të ndryshme, prezenca e tij në shkollë ishte bukuria e shkollës, tani e 13 vite po na mungon, por jam shumë i nderuar që kam pasur nderin të punoj me profesor Ruzhdiun. Ta kujtojmë këtë vizionar të shkollës me plot dinjitet, Ruzhdiu ishte ai që e trasoi dhe e formoi shkollën e mjekësisë kur pushteti serb po rrënonte gjithçka shqiptare por Ruzhdiu ishte krenar që po bënte një punë për ardhmërinë e të rinjëve të qytetit e shtetit të Kosovës”.

Profesor Ruzhdiu edhe pse u nda atëherë kur më së shumti kishim nevojë për të, ne sot përkulemi para veprës së tij duke e kujtuar dhe mos harruar veprat e kontributin e profesor Ruzhdi Ismajlit./sylejman ismajli/rajonipress/