13 aktakuza brenda 24 orëve të ngritura nga Prokruroria e Gjilanit

Gjilan – Gjatë 24 orëve të fundit janë ndaluar 3 (tre) persona. Departamenti Përgjithshëm – ka ndaluar 2 (dy) persona për këto vepra penale: “Asgjësimi apo dëmtimi i pasurisë” dhe “Kontrabandim me mallra”. Departamenti për Krime të Rënda – ka ndaluar 1 (një) person, për veprën penale “Mbajtja në pronësi, kontroll ose posedim të paautorizuar të armëve”.

Numri i aktakuzave të ngritura, me theks të veçantë aktakuzat për “Keqpërdorim të detyrës zyrtare”: Gjatë 24 orëve të fundit, janë ngritur 13 (trembëdhjetë) aktakuza, kundër 17 (shtatëmbëdhjetë) personave.

Departamenti Përgjithshëm – ka ngritur 12 (dymbëdhjetë aktakuza), kundër 15 (pesëmbëdhjetë) personave, për këto vepra penale: “Posedim i paautorizuar i narkotikëve, substancave psikotrope ose analoge”, “Arratisja e personit të privuar nga liria”, “Vjedhje”, “Asgjësimi apo dëmtimi i pasurisë”, “Rrezikim i trafikut publik”, “Mbikëqyrja e pandërgjegjshme e trafikut publik”, “Dhuna në familje”, “Sulmi”, “Lëndim i lehtë trupor”, “Shkaktim i rrezikut të përgjithshëm”.

Departamenti për Krime të Rënda – ka ngritur 1 (një) aktakuzë, kundër 2 (dy) personave – të pandehurve S.B. dhe O.R., për këto vepra penale: “Keqpërdorim i pozitës apo autoritetit zyrtar”, “Heqja apo dëmtimi i vulave zyrtare ose i shenjave”./rajonipress/