116 vjet burg për “Grupin e Gjilanit”

Departamenti i Krimeve të Luftës në Gjykatën e Lartë në Beograd ka dënuar sot 11 anëtarë të njohur si “Grupi i Gjilanit” me 116 vjet burg me arsyetimin se kanë kryer krime ndaj serbëve dhe popullsisë jo shqiptare në vitin 1999. Gjashtë persona janë liruar.

Prokuroria për krime lufte i ka akuzuar 17 shqiptarë të Luginës së Preshevës, që sipas prokurorisë serbe ishin pjesë të UÇK-së, se i kanë “maltretuar deri në vdekje së paku 80 persona, ku 34 prej tyre rezultojnë të zhdukur, kurse se paku 153 janë marrë në pyetje, janë torturuar e më pas janë liruar”.

Gjykata e Apelit në Beograd, në dhjetor të vitit 2011 e kishte anuluar vendimin e shkallës së parë për nëntë pjesëtarë të “Grupit të Gjilanit”, ku ata u dënuan me 101 vjet burg dhe lëndën e kishte kthyer në rigjykim.