1.8 milion banorë të regjistruar, 1.7 me të drejtë vote

Zgjedhjet po afrohen dhe KQZ-ja nuk ka arritur të pastrojë listat. Analistë dhe përfaësues nga shoqëria civile druhen se listat qëllimisht nuk po pastrohen, për të krijuar mundësi abuzimi me votën.

Derisa në vend po bëhën përgatitjet serioze për zgjedhjet lokale të vjeshtës së këtij viti, një problem serioz për kredibilitetin dhe mbarëvajtjen e një procesi të ri zgjedhor mbetet lista e votuesve.

Rezultatet e regjistrimit të vitit 2011 patën nxjerrë shifrën prej 1 milion e 739 mijë e 825 banorësh, derisa me një plotësim të mëvonshëm të të dhënave, sipas një raporti të publikuar gjatë muajit prill të vitit 2014, shifra finale e banorëve të Kosovës fiksohet në 1,815,606 banorë.

Kur merret parasysh lista e votuesve që iu jep të drejtë vote 1,705,272 qytetarëve, atëherë ngrihet shqetësimi se si mund të jetë diferenca aq e ngushtë e votuesve me numrin e gjithëmbarshëm të banorëve, shkruan Kosova sot.

Analistë dhe përfaqësues të shoqërisë civile theksojnë se vazhdimi me këtë trent të mbajtjes në listën zgjedhore të një numri të përafërt votuesish potencialë me numrin e banorëve, sjell në pikëpytje kredibilitetin e zgjedhjeve te radhës./Indeksonline/