Ajeti reagon në rrjetet sociale pas golit në Zvicër
RajoniPress
23:16, 3 Shkurt, 2019
Albian Ajeti ka realizuar gol në fitoren e thellë të Baselit ndaj Grasshoppers.
FC Basel e ka shkatërruar në udhëtim skuadrën e Grasshoppers, duke e mposhtur me rezultate të thellë, 4-0, sfidë e vlefshme për xhiron e 19 në Superligën e Zvicrës, shkruan Gazeta Express.
Golin në këtë ndeshje e ka gjetur edhe sulmuesi i talentuar shqiptar, Albian Ajeti.
Ai shënoi golin e katërt në minutën e 76’, teksa tre golat tjerë i realizoi, Ricky Van Wolfswinkel, në minutat 19’, 36’ dhe 73’.
“Sërish në aksion me gol”, ka shkruar Albiani në llogarinë zyrtare në Facebook.
Për Grasshoppersin nga minuta e parë luajti vëllai i madh i Albianit, mbrojtësi i Kombëtares shqiptare, Arlid Ajeti.
Ai u detyrua të lëshojë fushën para kohe, pasi u ndëshkua me të kuq në minutën e 26’ pas një ndërhyrje të ashpër në Taulant Xhakën. /Gazeta Express/
