Kontakti

Bota

Trump nënshkruan marrëveshjen bashkë me Hotin e Vuqiqin

Publikuar

Me ndërmjetësimin e presidentit amerikan, Donald Trump, Kosova dhe Serbia kanë nënshkruar sot marrëveshje me Shtëpinë e Bardhë, raporton Gazeta Express.

Tashmë janë publikuar fotografi nga momenti i nënshkrimit të marrëveshjeve, ku shihet presidenti amerikan Donald Trump, kryeministri i Kosovës, Avdullah Hoti dhe presidenti serb, Aleksandër Vuciq.

Gazeta Express dhe T7 ka raportuar se marrëveshjet janë nënshkruar në mes të SHBA’së dhe të dyja shteteve si marrëveshje të veçanta.

Deri më tani nuk është bërë e ditur përmbajtja e marrëveshjeve, mirëpo, karakteri i tyre është ekonomik.

Sic ka raportuar Gazeta, bëhet fjalë për marrëveshje që shkojnë në investime deri në 13 miliardë dollarë për Kosovën dhe Serbinë.

Bota

Grenell: Nuk jam paguar asnjë cent për punën që lidhet me Kosovën dhe Serbinë

Publikuar

Ndërmjetësi amerikan në dialogun midis Beogradit dhe Prishtinës, Richard Grenell, tha në një video konferencë me përfaqësuesit e mediave, me rastin e takimit të ardhshëm në Shtëpinë e Bardhë, tha se nuk ishte i angazhuar në fushatën presidenciale të Donald Trumpit dhe se nuk është paguar asnjë cent për punën që po bën rreth bisedimeve mes Kosovës dhe Serbisë.

Kur u pyet nga gazetarët në lidhje me pjesëmarrjen e tij në fushatën presidenciale dhe nëse vazhdon të marrë pagën e shtetit, Grenell tha se këto raportime janë të rreme, transmeton Telegrafi.

“Unë nuk u bashkova me fushatën e Trumpit. Nuk jam paguar asnjë cent për punën që lidhet me Kosovën dhe Serbinë. Unë u bashkova me RNC-in si një këshilltar special, por kjo nuk është për fushatën e Trumpit, kështu që ju gabuat në këtë front”, tha Grenell, siç thuhet në transkriptimin e bisedës, raporton kosovoonline.

Grenell, ish-ambasador i SHBA-ve në Gjermani, ka pohuar se Kosova dhe Serbia pritet të arrijnë marrëveshje ekonomike në takimin, i cili do të mbahet në kryeqytetin amerikan, Uashington.

Më herët, u njoftua se nuk është ende e sigurt nëse presidenti Trump do të marrë pjesë në bisedimet midis delegacioneve të Beogradit dhe Prishtinës më 4 shtator në Uashington. /Telegrafi/

Vazhdo të lexosh

Të kërkuara